Апалы-сіңілі Немичтер: Топтық сында жүлде алсақ дейміз

Азия ойындарында синхронды жүзуден қола жүлдегер атанған Екатерина жəне Александра Немичтер Olympic.kz сайтына сұхбат беріп, өз қуаныштарымен бөлісті.

- Біздің қазіргі қуанышымызда шек жоқ! Көңіл-күйімізді айтып жеткізу қиын. Жақында командадағы бір спортшымыз жарақат алып қалды да, бəріміз сең соққандай күйде болдық. Əсіресе, бапкерімізге бұл ауыр соқты. Сол олқылықтың орнын жабу үшін біз жаттығу бағытын мүлде басқа арнаға бұрып жібердік. Енді топтық жаттығуда бар күшімізді салып, медальға іліксек, қуанышымыз еселене түсер еді, - дейді спортшылар.