Азиада-2018. Дмитриенко іріктеуде рекорд жасағанымен, финалда сүрінді

Азия ойындарында стендтік атудан трап жарысында Мария Дмитриенко финалға бірінші орынмен шығып, Азиаданың жаңа рекордын жаңартқан болатын.

Бірақ ақтық сында ол өз жетістігін қайталай алмады. Үздік алтылықта ол тек төртінші орын ғана алды.

Ал жеңіс қытайлық спортшының еншісінде кетті. Екінші орында оңтүстіккореялық мерген алды. Қола медальді Ливан өкілі еншіледі.

Естеріңізге салсақ, Дмитриенко іріктеуде рекордтық, 119 ұпай жинаған болатын.

Енді Мария Дмитриенко 23 тамызда «дубль-трап» сайысында өнер көрсетеді.