Оралда Астананың 20 жылдығына орай алғаш рет дуатлон жарысы өтті

Оралда Астананың 20 жылдығына орай алғаш рет дуатлон жарысы өтті, деп хабарлайды Prosports.kz

<span>Елбасы тапсырмасына сәйкес бұқаралық спортты кеңінен дамыту мақсатында ұйымдастырылған жарысқа құрметті қонақ ретінде атақты боксшылар, Олимпиада ойындарының күміс жүлдегерлері Әділбек Ниязымбетов пен Василий Левит қатысты.</span>

<span>Күннің ыстығына қарамастан, 20 километрлік жарысқа 100 дуатлоншы шықты. Олар алдымен 5 км қашықтықты жүгіріп өтіп, сосын 12,5 шақырымды велосипедпен артқа қалдыруы тиіс. Оған қоса соңғы 2,5 шақырымды тағы да жүгіріп өтуі керек болатын. Сонымен қатар 400-дей спортшы жеке қашықтықтарда (5 км, 12,5 км және 2,5 км) сынға түсуді жөн деп тапты.</span>

<span>Жарыс қорытындысында 41-50 жастағылар арасында Марат Сабырғалиев жеңімпаз атанды. 31-40 жастағылардан ерлерден Алексей Алиев, әйелдерден Ольга Келазева озды. 18-30 жастағылардан Ерлан Ойлыбаев пен Анастасия Вавилина мәреге бірінші жетті. Олардың бәріне де велосипедтер табыс етілді. Сонымен қатар жеке қашықтықтарда жеңімпаз-жүлдегер атанғандар да марапатталды.</span>