Головкин баспасөз мәслихаты кезінде «Канелоны» мазақ етті

Қазақстандық боксшы Геннадий Головкин мексикалық Сауль «Канело» Альвареспен жекпе-жек алдында баспасөз мәслихатын өткізді, деп жазады prosports.kz.

Баспасөз мәслихаты Лос-Анджелестегі (АҚШ, Калифорния штаты) Palm мейрамханасында өтті. Жиынға келген қонақтарға арнайы VADA мақұлдаған тағамдар берілген.

Қазақстандық боксшының командасы осы әрекеті арқылы қарсыласы Альваресті мазақ етіп отыр. Себебі, мамыр айында өтуі тиіс жекпе-жек мексикалық боксшы допингпен ұсталып қалғандықтан кейінге қалдырылған еді. Сол кезде «Канело» қанынан тиым салынған дәрінің табылу себебін, құрамы таза емес ет жегендіктен деп түсіндірген болатын.