Қазақстандық көркем гимнастшылар Азия чемпионатында жүлделі орындарға ие болды

<span>Қазақстандық Әділханова Алина, Тілекенова Адиля, Жұматаева Селина, Сарыбай Айдана Куала-Лумпурде өтіп жатқан Азия чемпионатында сеньорлар арасында жүлделі екінші орынға ие болды. Бірінші орын өзбекстандық гимнастшыларға бұйырса, үшінші орын қытайлық спортшылардың еншісінде. </span>

<span>Топтық көпсайыста жүлделі үшінші орынды Ерғалиева Динара, Сұлтанова Регина, Жакупова Даяна, Талғатбек Анель, Будник Джессика, Даулетқұлова Жанерке алса, бірінші орынды жапондық гимнастшылар иеленді. Ал екінші орынға қытайлықтар тұрақтады. </span>

<span>Айта кетейік, бұған дейін қазақстандық гимнастшылар жасөспірімдер арасында командалық біріншілікте 1-ші орынға ие болған еді. Сонымен қатар қазақстандық жасөспірім гимнастшы қыздар көпсайыстағы топтық жаттығуда үшінші орыннан көрінді. Ал Роза Абитова қазанның 6-18 аралығында Аргентина астанасы Буэнос-Айресте өтетін жасөспірімдердің Олимпиада ойындарына лицензия ұтып алды. </span>

<span>Естеріңізге салайық, 28 сәуір мен 3 мамыр аралығында Куала-Лумпурде көркем гимнастикадан оныншы Азия чемпионаты өтіп жатыр. Жарысқа Азияның 18 мемлекетінен спортшылар қатысып жатыр.</span><br /><br /><br />