Каратэден Қазақстан құрамасы ел намысын ашық Еуропа чемпионатында қорғайды
Сәуірдің 7-і мен 8-і күндері Армения елінің астанасы Ереван қаласында киокушинкай каратэден IFK бағытында ашық Еуропа чемпионаты өтеді, деп хабарлайды ақпараттық және спорттық ХАБ.
Киокушинкай каратэден Қазақстан құрамасының сапында Алматы командасының 4 спортшысы ел намысын қорғайды. Олардың бапкері Алматы қаласының аға жаттықтырушысы Ахмадалиев Эркинбек Абдурахимович және клуб басшысы Посашков Вадим Алексеевич.
Ел намысын келесі алматылық спортшылар қорғайды: Қазақстан және Алматы чемпионы, спорт шеберлігіне үміткер, республикалық және халықаралық жарыстардың жүлдегері Әліжан Үтегенов, спорт шеберлігіне үміткер, Қазақстан және Алматы чемпионы, республикалық және халықаралық жарыстардың жүлдегері Лев Фадеев, Алматы чемпионы, 7 кю, 1-ші санат, турнирлердің жүлдегері Аружан Искакова және Қазақстан және Алматы чемпионы, спорт шеберлігіне үміткер, республикалық және халықаралық жарыстардың жүлдегері Аян Заманбек.