«Тараз» футбол клубының ойыншылары үш айдан бері жалақыларын ала алмай жүр, деп хабарлайды Prosports.kz.
Мәселе жаздың соңында басталған. Шілде мен тамызда ойыншылар жалақыларының 40%-ын ғана алды. Ал қыркүйек айында олар мүлдем ештеңе алған жоқ. Келісімшартта жалақы төленетін мерзім әр айдың 10-күні деп көрсетілген.
Мұндай мәселелердің туындауына клубтың атқарушы директоры Талғат Тұрлыбайұлы кінәлі деген ақпарат бар. Болжам бойынша, ол қаржылық алаяқтықпен айналысқан. Нәтижесінде ақша қазынаға уақытында түспеген.
Бір қызығы, бұрын Талғаттың тегі Апсаматов болған. Мысалы, ол «Таразға» алғаш келгенде тегі осындай болған. Бірақ, кейбір мәліметтер бойынша, Талғат сотталғаннан кейін тегін Апсаматовтан Тұрлыбайұлы деп өзгертуге шешім қабылдаған.
Комментарии