Әйгілі футзал маманы Болат Жахин Алматыда қылмыс жасады деген күдікпен ұсталды, деп жазады Prosports.kz.
Бұл туралы «Гол емес» телеграм-арнасы хабарлады.
16 шілдеге қараған түні Жахин итін серуендетіп жүргенде ерлі-зайыптылармен жанжалдасып қалған. Нәтижесінде ол қарсы тараптың басына «Оса» травматикалық тапаншасынан оқ атқан.
Жәбірленуші 38 жастағы ер адам №4 қалалық клиникалық аурухананың бөліміне жеткізілді.
Дәрігерлер ашық бас сүйек жарақаты және мидың қатты контузиясы диагнозын қойды. Операция сәтті өтіп, науқас есін жиды.
53 жастағы Болат Жахин диктор және ақпаратшы-төреші болып жұмыс істеді. Бұдан бөлек КФФ футзал және жағажай футболы департаментінің міндетін атқарушы, Қазақстан құрамасының менеджері және «Мұнайшы» ШФК спорт директоры болған.
Комментарии