Әйелдер теннисі қауымдастығының (WTA) статистикасына сәйкес, осы маусымда үш сетте жеңіске жеткендердің ішінде қазақстандық Елена Рыбакина топ бастап тұр, деп хабарлайды Prosports.kz.

Рыбакинаның қазіргі уақытта үш сеттік ойындарда 9 жеңісі бар. Испаниялық Гарбинье Мугурус 2020 маусымда үш сеттік матчтарда 7 рет жеңіске жетті, ал әлемнің бірінші ракеткасы Эшли Барти 5 кездесуде жеңіс тойын тойлаған.