Хоккейден Германия құрамасы Канаданы ұтып Олимпиада ойындарының финалына шықты.

Бүгін жартылай финал матчы сенсациямен аяқталды. Немістер әлемдегі ең азулы хоккейшілерді 4:3 есебімен жеңіп ел-жұртты таңғалдырған.

Осылайша, Германия құрамасы өз тарихында бірінші рет Олимпиаданың ақтық кездесуіне жолдама алды. Бұған дейін немістер екі рет қола медаль ұтқан: 1932 және 1976 жылы.