Садриддин Ахмедов: Кәсіпқой боксқа ауысқаным рас
Еліміздегі ең талантты боксшылардың бірі Садриддин Ахмедов Prosports.kz тілшісіне берген сұхбатында кәсіпқой боксқа ауысқанын растады.
- Иә, бұл рас ақпарат. Бірақ әзірге келісімге қол қоймадым. Жақын күндері келісімшартқа отырамын деген ойдамын.
- Қай промоутерлік компаниямен келісімшартқа отырасың?
- Америкалық «The Heavyweight Factory» деген компания.
- Иван Дычко өнер көрсетіп жүрген компания емес пе?
- Иә, дәл солай. Бұйыртса, Америкада жаттығып, кездесулерімді сонда өткіземін.
- Әуесқой мен кәсіпқой боксты қатар аласың ба?
- Жоқ. Толығымен кәсіпқой боксқа ауысамын.
- Қай салмақ дәрежесінде өнер көрсетесің?
- Әзірге белгісіз. Жаттығу жұмыстарынан кейін белгілі болады. Бәлкім, 69 келі салмақ дәрежесінде қаламын.
- Құрамадағы әріптестерін бұл жаңалықты қалай қарсы алды?
- Көбі мені қолдады. «Сенің стилін кәсіпқой боксқа арналған» деп айтқандары да бар. Өзбасым, дұрыс шешім қабылдадым деп ойлаймын.
- Ұлттық құраманың бас бапкері Мырзағали Айтжановпен сөйлескен жоқсың ба?
- Жеке сөйлескен жоқпын.
- Ешқандай өкініш жоқ. Керісінше, бапкерлік құрамға алғыс айтқым келеді. Бір жыл құрамада жүріп біраз тәжірибе жинадым.
- Менің арманым – кәсіпқой бокста чемпиондық белбеуді жеңу. Басты мақсатым, Головкин сияқты Қазақ елінің атын шығару.
Комментарии