Әбунасыр Серіков: Шавкат Рахмоновтың чемпион болатынына сенемін
Танымал қазақстандық актер Әбунасыр Серіков Alash Pride FC 102 турнирінде қонақ болып, Шавкат Рахмонов пен Иэн Гэрридің алдағы жекпе-жегіне қатысты пікірін білдірді, деп хабарлайды Prosports.kz тілшісі Sport+ сайтына сілтеме жасап.
«Енді біздің бауырларымыздың барлығы намысқой екені белгілі. Шавкаттың жеңетініне сенемін, себебі оның басты арманы – чемпион болу. Жеңіс сол дайындалып, ізденісте болып, шаршамай еңбектенген адамның еншісінде. Сондықтан Шавкат бауырымызға тек жеңіс тілейміз. Қазір UFC-де жүрген қаншама бауырларымыз бар. Барлығына сәттілік пен жеңіс тілеймін!» – деді Әбунасыр Серіков.
Еске сала кетейік, Шавкат Рахмонов пен Иэн Гэрридің жекпе-жегі 15 желтоқсанда өтеді. Бұл кездесудің жеңімпазы UFC чемпионы атағына таласуға мүмкіндік алады.