«Астана» жеңісті сақтап қала алмады
Бүгін «Астана» Конференция лигасы жалпы кезеңінің 4-туры аясындағы өз алаңында португалиялық «Витория» (Гимараеш) командасын қабылдады, деп хабарлайды Prosports.kz.
Алматыдағы «Орталық» стадионда өткен матч 1:1 есебімен тең аяқталды.
Бірінші таймның 40-минутында Карло Бартолецтің берген пасынан кейін Брандимир Калаица есеп ашты. Осылайша командалар үзіліске 1:0 есебімен кетті. Матчтың соңына қарай 89-минутта қонақтар есепті теңестірді. Голдың авторы Жезус Рамирез атанды.
Еске салайық, қазақстандықтар бірінші турда өз алаңында сербиялық ТСЦ-ны (1:0) жеңіп, бірақ кейін сырт алаңдағы екі кездесуде («Нью-Сейнтске» (0:2) және кипрлік «Пафосқа» (0:1)) есе жіберген болатын.
УЕФА Конференция лигасы. 4-тур
«Астана» (Астана, Қазақстан) - «Витория» (Гимараеш, Португалия) 1:1
Голдар: Калаица 40, Рамирез 89
Төреші: Дабанович (Черногория)
28 қараша. Алматы. «Орталық» стадион