«Манчестер Юнайтед» Кварацхелияға ұсыныс жасауды көздеп отыр
Ағылшындық «Манчестер Юнайтед» клубы «Наполидің» грузиялық вингері Хвича Кварацхелияны сатып алғысы келеді, деп хабарлайды Prosports.kz.
Sportmediaset порталының хабарлауынша, манкуниандықтар грузин футболшысына маусымына 8 миллион еуро жалақы алатын 5 жылдық келісімшарт ұсынуға дайын. Бұл сома оңай қол жеткізуге болатын бонустар есебінен 9 миллионға дейін өсуі мүмкін.
Неаполитандықтар ойыншыны қалдырып, оған жылына 6 миллион еуро тұратын жаңа келісімшарт ұсынбақ. Клуб ұсынысты көбейтуді көздеп отырған жоқ. Тараптар әлі келісімге келмеді.
А сериясының ағымдағы маусымында Хвича 13 матч өткізіп, 5 гол соғып, 2 нәтижелі пас берді. Антонио Конте жетекшілік ететін «Наполи» Италия чемпионатының ағымдағы маусымында 13 турдан кейін 29 ұпаймен көш бастап тұр.