Кисилев Буяльскийдің «Сарыарқада» ойын тәжірибесін жинайтынын мәлімдеді
Андрей Буяльскийдің агенті Святослав Киселев Қазақстан құрамасының шабуылшысы «Сарыарқада» ойын тәжірибесін жинайтынын мәлімдеді,деп хабарлайды Prosports.kz тілшісі Sport+ сайтына сілтеме жасап.
«Барыс» әзірге Андрейге қызығушылық танытқан жоқ. Біз тарапымыздан да, олардың тарапынан да ешқандай кері байланыс болған жоқ. Басқа клубтардан бірнеше ұсыныс бар, бірақ біз келесі халықаралық үзіліске дейін, Қазақстан құрамасында өнер көрсеткенге дейін «Сарыарқаға» тоқталуға шешім қабылдадық. Олег Болякинмен сөйлестім, ол Андрейге сенім артады. Андрей ойын тонусын сақтап, Азия чемпионатындағы көрсеткішінен жоғары деңгейге жетуі үшін тәжірибе жинауы керек. Бұл оның жақсы формада болып, өзін жақсы көрсетуіне көмектеседі деп ойлаймын. Осыдан кейін түпкілікті шешім қабылдаймыз. Алдағы екі аптада Андрей «Сарыарқада» ойнайды», — деді Киселев.
2021 жылы Андрей Буяльскийді «Колорадо Эвеланш» Ұлттық хоккей лигасының (НХЛ) драфтында үшінші раундта, жалпы 92-нөмірмен таңдаған болатын.
Ағымдағы маусымда 24 жастағы Буяльский «Барыс» сапында ҚХЛ-дың 2024/2025 маусымындағы тұрақты чемпионатта үш матч өткізіп, нәтижелі әрекет жасай алмады. Астаналық клуб форвардпен қоштасу туралы шешім қабылдады.