Екі дүркін Олимпиада чемпионы Новак Джоковичті жаттықтырады
Екі дүркін Олимпиада чемпионы Энди Маррей Новак Джоковичті жаттықтыратын болады, деп хабарлайды Prosports.kz
Энди Маррей «Үлкен дулыға» турнирінің 24 дүркін жеңімпазымен Аустралия ашық чемпионатына дейін маусымаралық кезеңде жұмыс істейді. Энди Маррей Джокович, Надаль және Федерермен бірге ұзақ жылдар бойы ерлер теннисінің «Үлкен төрттігін» құрады.
«Біз бала кезімізден бір-бірімізбен ойнаймыз. 25 жыл бойы біз бір-бірімізбен бәсекелес болдық. Теннисте арамызда жойқын шайқастар болды. Бізді «ойынды өзгертушілер», «тәуекелшілдер», «тарих жасаушылар» деп атады. Біздің тарихымыз аяқталды деп ойладым. Бірақ, оның соңғы тарауы бар екен. Менің ең мықты қарсыластарымның бірі менің бұрышыма қадам басатын кез келді. Бортқа қош келдіңіз, жаттықтырушы Энди Маррей», - деп жазды Новак Джокович әлеуметтік желіде.
Еске сала кетейік, 1 қарашада Джоковичтің бұрынғы бапкері Горан Иванишевич Қазақстанның бірінші ракеткасы Елена Рыбакинаны жаттықтыратыны белгілі болды.