Хоккей. ҚХЛ: «Барыс» Астанада екінші матч қатарынан ұтылды
Астаналық «Барыс» Құрлықтық хоккей лигасы аясындағы кездесуде өз алаңында омбылық «Авангардпен» ойнады, деп жазады Prosports.kz.
Бұл текетірестің фавориті букмекерлік кеңселер мен сарапшылардың пікірінше, ресейлік клуб болды.
Ғалым Мәмбеталиев келесі құрамды шығарды: Шутов (Бояркин) - Бекетаев-Камалов, Сетдиков-Николишин-Бурдасов; Хохлов-Данияр, Әсетов-Өмірбеков-Панюков; Королев-Оразов, Савицкий-Мұхаметов-Мұратов; Гайтамиров-Бутенко, Қайыржан-Шайхмедденов-Оспанов.
Иван Николишин мен Әділ Бекетаев соққан шайбылардың арқасында астаналықтар екі кезең қорытындысы бойынша 2:0 ұтып тұрған. Алайда, үшінші кезеңде қонақтар таразы басын теңестіріп, овертаймда жеңісті жұлып алды.
27 қарашада «Барыс» қонақта Новосібірдің «Сибирь» командасымен кездеседі.
Қоса кетейік, өткен турда Мәмбеталиев шәкірттері «Амурдан» 0:3 есебімен жеңілді.