Ямаль «Барселонамен» келісімшарт мерзімін ұзартады. Өтемақы сомасы 1 млдр еуро
«Барселонаның» вингері Ламин Ямаль каталондық клубпен жаңа келісімшартқа отырады, деп хабарлайды Prosports.kz.
Barca Universal хабарлауынша, футболшы 18 жасқа толғанда Ямальдың клубпен келісімі алты жылға ұзартылады. Тараптар келісім шарттары бойынша ымыраға келді. Өтемақы сомасы 1 миллиард еуроны құрайды.
Осы маусымда 17 жасар Ямаль «Барселона» сапында барлық турнирлерде 16 матч өткізіп, алты гол соғып, сегіз нәтижелі пас берді. Ойыншының клубпен қазіргі еңбек келісімі 2026 жылдың жазына дейін жасалған. Transfermarkt порталында берілген ақпаратқа сәйкес, футболшының нарықтағы құны 150 миллион еуроны құрайды.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или