«Астана» - «Челси» матчына билеттер қашан сатылымға шығатыны белгілі болды
Елордалық «Астана» футбол клубы Конференция лигасы аясындағы лондондық «Челсиге» қарсы матчқа билеттер туралы мәлімдеме жасады, деп хабарлайды Prosports.kz.
Билеттер Zakazbiletov.kz сайтында сатылады.
«14 қарашада «Астана» – «Витория»(Гимарайнш) матчына (28 қараша) билеттер сатылымға шығады.
Араға бір апта салып 12 желтоқсанда өтетін «Астана» – «Челси» матчына билеттер сатыла бастайды. Gismeteo мәліметі бойынша, «Челсимен» ойын күні Алматыда желтоқсан айына қарамастан, ауа райы күндіз +3° және түнде -1° жеткілікті жылы болады.
Клуб басшылығы қала әкімдігімен және стадион әкімшілігімен бірлесіп, көрермендердің стадионда қауіпсіздігін, тәртібін және жайлы жағдайда ойын тамашалауын қамтамасыз ету бойынша жұмыс жасау үстінде. Қосымша ыстық сусындар мен тағамдарды сату нүктелері ашылады», - делінген клуб хабарламасында.