«Қайрат» «Семейді» тас-талқан етіп, Чемпиондар лигасының элиталық кезеңіне шықты
Футзалдан Чемпиондар лигасының 2024/2025 маусымындағы негізгі кезең аясында отандық дербидің куәсі болдық, деп жазады Prosports.kz.
Алматыда жергілікті «Қайрат өткен маусымдағы Қазақстан чемпионы «Семейді» 5:1 есебімен жеңді. Семейліктер сапынан Ақжол Дәрібай есеп ашқан еді, бірақ қайраттықтар бес голмен жауап қатты. Эдсон, Данер Родриго, Алиссон, Ариетта және Родригес қанжыға майлады. Бірінші ойында венгриялық «Халадашты» 4:0 есебімен ұтқан «Қайрат» алты ұпай жинап, элиталық кезеңге жолдама алды.
Айта кетейік, бұл топтағы «Спортинг» те элиталық кезеңде ойнауға мүмкіндік алды. Португалдықтар бүгін «Халадашты» 2:0 есебімен ұтты.
«Спортинг» пен «Қайрат» алты ұпай жинады. Доп айырмашылығы бойынша алматылықтар көш бастап тұр. Соңғы турда қос команда бірінші орын иесін анықталды.
Бірінші турда «Спортингке» есе жіберген «Семей» элиталық кезеңде өнер көрсету үшін соңғы турда «Халадаш» командасын жеңуге тиіс.
Элиталық кезеңде 16 команда бақ сынайды. Олар төрт топқа бөлініп, топ жеңімпаздары Төрттік финалға жолдама алады.
🔹 «ҚАЙРАТ ФУТЗАЛ» Бас серіктесі – «Самрұқ Қазына» ҰӘҚ» АҚ.
🔹 «ҚАЙРАТ ФУТЗАЛ» серіктесі - «Туризм индустриясы мен спортты қолдау қоры» КҚ
🔹 @sportqory
🔹 @samrukkazyna_official