«Қайрат» Чемпиондар лигасын сенімді бастады
Алматылық «Қайрат» футзалдан Чемпиондар лигасының 2024/2025 маусымындағы алғашқы матчын өткізді, деп хабарлайды Prosports.kz.
Негізгі раундтың топтық кезеңі аясында алматылықтар Венгрияның «Халадаш» командасымен кездесіп, 4:0 есебімен басым түсті. Голдарды бірінші таймда Алиссон, Эдсон, екінші таймда жақында ғана алматылық командаға ауысқан аргентиналық әлем чемпионы Арриетта және қақпашы Кавальканти соқты.
Сонымен қатар, бұл топта «Семей» мен португалиялық «Спортинг» бар. Өкінішке қарай, Чемпиондар лигасында тұңғыш ойынын өткізген семейліктер азулы қарсыластан 4:6 есебімен ұтылды.
Ертең қазақ футзалының жанкүйерлері отандық дерби көреді. «Қайрат» пен «Семей» кездеседі, «Спортинг» пен «Халадаш» матч өткізеді.
Топтағы үш команда элиталық кезеңге жолдама алады.
🔹 «ҚАЙРАТ ФУТЗАЛ» Бас серіктесі – «Самрұқ Қазына» ҰӘҚ» АҚ.
🔹 «ҚАЙРАТ ФУТЗАЛ» серіктесі - «Туризм индустриясы мен спортты қолдау қоры» КҚ
🔹 @sportqory
🔹 @samrukkazyna_official