Әлем чемпионаты: Қазақстан — Португалия матчының тікелей трансляциясы
Бейсенбі, 26 қыркүйек күні футзалдан Қазақстан құрамасы Өзбекстанда 2024 жылы өтетін әлем чемпионатының плей-офф кезеңіндегі алғашқы ойынын өткізеді, деп хабарлайды Prosports.kz.
Қазақстанның 1/8 финалдағы қарсыласы Португалия құрамасы болады. Бұл кездесу Андижанда өтеді және Астана уақытымен 20:00-де басталады. Ойынды Qazsport телеарнасынан тікелей эфирде көруге болады.
Айта кетейік, топтық кезеңде Қазақстан құрамасы жеті ұпай жинады: Испаниямен тең ойнады (1:1), одан кейін Ливияны (4:1) және Жаңа Зеландияны (10:0) жеңді.
Футзалдан әлем чемпионаты 14 қыркүйек пен 6 қазан аралығында үш қалада: Андижан, Бұхара және Ташкентте өтеді. Турнирге алты топқа бөлінген 24 команда кіреді. Қазіргі әлем чемпионы 2021 жылы титулды жеңіп алған Португалия.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или