Шохбоз Умаров: Әр ойыншы командасына жеңіске жетуге көмектескісі келеді
«Ордабасы» шабуылшысы Шохбоз Умаров Қазақстан OLIMPBET-Чемпионаты аясында өткен «Жетісуға» қарсы матч туралы пікірін айтты.
– Шохбоз, жеңіс құтты болсын! Ойын қалай өтті?
– Құттықтауларыңыз үшін көп рахмет. Матч басында ойынға араласу қиын болды. Ойынды ойлағанымыздай бастай алмадық. Дегенмен өз голдарымызды соға алдық.
– Қатарынан екі матчта көзге түстің. Матчтан кейінгі әсер қандай?
– Әрине, кез келген ойыншы әр матчта гол соғып, командасына жеңіске жетуге көмектескісі келеді. Осы мақсатпен мен де алаңға шығамын. Алаңда өте көп жұмыс атқарған командадағы әріптестеріме, қолдау көрсетіп, осындай атмосфера жасаған жанкүйерлеріме алғыс білдіремін.