Зульфия Габидулина ХПК-нің арнайы марапатына ие болды
2017 жылы жүзуден әлем чемпионы атанып, Халықаралық Паралимпиада комитетінен 2017 жылғы Бүкіләлемдік жеңістер сериясы үшін арнайы сыйлық алды, деп хабарлайды «ҚазАқпарат».
<span>Мексикада жүзуден мүмкіндігі шектеулі спортшылар арасында әлем чемпионаты өтіп жатыр. Онда Қазақстан құрамасының қоржыны тағы бір наградамен толықты. «Белгілі спортшы, 2016 жылы өткен XV жазғы Паралимпиада ойындарының чемпионы Зульфия Габидуллина 50 метр қашықтыққа еркін стильде жүзу бойынша бірінші орынды жеңіп алды. Сонымен қатар Зульфияға Халықаралық Паралимпиада комитетінен 2017 жылғы Бүкіләлемдік жеңістер сериясы үшін арнайы награда табысталғанын атап өту керек. Осы сыйлыққа басқа елдердің тағы 4 жүзгіші қол жеткізді. Отандасымыздың бұл тізімнен бой көрсеткені қуантады», - дейді Қазақстан Ұлттық Паралимпиадалық комитетінің баспасөз қызметінен.</span>