ӘЧ: Өзбекстан - Португалия. Өзбектер негізгі құрам жариялады
Өзбекстан құрамасы 2026 жылғы әлем чемпионатының топтық кезеңіндегі Португалияға қарсы ойынына қатысатын негізгі құрамды жариялады, деп хабарлайды Prosports.kz.
Ойын бүгін, 23 маусымда Хьюстондағы стадионда өтеді. Басталуы Астана уақыты бойынша сағат 22:00-де. Тікелей эфир Qazsport телеарнасында көрсетіледі.
Өзбекстан құрамасы сапында келесі ойыншылар ойнайды: Абдувохид Нематов, Абдукодир Хусанов, Рустам Ашурматов, Шерзод Насруллаев, Абдулла Абдуллаев, Бехрузжон Каримов, Отабек Шукуров, Одилжон Хамробеков, Азизжон Ганиев, Аббосбек Файзуллаев және Элдор Шомуродов.
Еске сала кетейік, Фабио Каннавароның командасы K тобының бірінші турында Колумбиядан 3-1 есебімен жеңілді. Аббосбек Файзуллаев өзбек командасының жалғыз голын соқты.
Өзбекстан құрамасы үшін алдағы матч плей-оффқа шығу жолындағы күресте шешуші рөл атқарады. Португалия алғашқы ойында Конго Демократиялық Республикасымен 1-1 есебімен тең түсті.