«Шахтер» клубына испаниялық маман келді
Испаниялық маманы Авраам Кампомар «Шахтер» клубының спорт бөліміне кеңесші қызметіне тағайындалды, деп хабарлайды Prosports.kz тілшісі қарағандылық клубтың баспасөз қызметіне сілтеме жасап.
«Авраам Кампомар — «Шахтер» футбол клубының спорт бөлімі кеңесшісі.
Испаниялық маман Украинада Донецкінің «Шахтер» академиясы директорының көмекшісі болып жұмыс істеген, кейін Украина ұлттық құрамасында және Луганскінің «Заря» клубында жаттықтырушы-талдаушы қызметін атқарған.
2024 жылы «Ақтөбе» командасында бас жаттықтырушының ассистенті ретінде «қызыл-ақтарға» Қазақстан Кубогын жеңіп алуға көмектесті.
Авраам PASS платформасының түлегі. «Хоффенхайм» және «Бенфика» клубтарында тағылымдамадан өткен», — деп Қарағанды клубының Instagram парақшасында хабарланды.
Өткен маусым қорытындысы бойынша, Бірінші лигада «Шахтер» төртінші орын алып, Қазақстан Премьер-лигасына (ҚПЛ) жолдама алу мүмкіндігін жіберіп алды.
Қазақстан кубогы матчтарының төрешілері белгілі болды