Азия Чемпионаты: Төрехан Сабырхан ақтық сынға жолдама алды
World Boxing ұйымының ұйымдастыруымен Моңғолия астанасы Ұланбатырда өтіп жатқан Азия чемпионатының жартылай финалдық жекпе-жектері жалғасуда, деп хабарлайды Prosports.kz.
Жарыс күнінің соңғы жекпе-жегінде әлем чемпионы, 70 келідегі Төрехан Сабырхан қытайлық боксшы Пейченг Уангты мерзімінен бұрын жеңді.
Шабуылда ширақ болған қазақстандық боксшы жекпе-жек барысында қарсыласын үш рет есеңгіретті. Нәтижесінде төреші жекпе-жекті екінші раундта тоқтатуға мәжбүр болды. Осылайша техникалық нокаут тіркелді.
Енді ол финалда (10 сәуір күні) иорданиялық боксшымен жұдырықтасады.
Айта кетейік, ертең жартылай финалдық жекпе-жектер жалғасады. Ертеңгі жарыс күнінде алты боксшымыз шаршы алаңға шығады.
Ертуған Зейнуллинов Азия чемпионатының қола жүлдегері атанды
Екі қазақстандық бұрымды боксшы финалға шықты