Дулат Бекбауов кәсіпқой бокстағы үшінші жекпе-жегін өткізді
Қазақстандық боксшы Дулат Бекбауов кәсіпқой бокстағы үшінші жекпе-жегін өткізді, деп хабарлайды Prosports.kz.
Қазақстандық 31 жастағы боксшы Таразда өткен бокс кешінде өзбекстандық боксшы Абдурасул Исмоиловпен (11-3-1, 7 КО) қолғап түйістірдіі. Бұл жекпе-жек он раундқа жоспаланған еді. Жетінші раундтан кейін Исмоилов жекпе-жекті жалғастырудан бас тартты. Осылайша жеңіс Дулат Бекбауов қарсыласынан техникалық нокаутпен басым түсті.
Дулат Бекбауов кәсіби рингте үшінші мәрте жеңіске жетсе, Абдурасул Исмоилов кәсіби мансабында төртінші рет жеңіліске ұшырады. Әуесқой бокста Дулат Бекбауов - әлем чемпионатының (2023 жыл) және Азия чемпионатының (2022 жыл) күміс жүлдегері.
Қазақстандық боксшы WBA Asia титулының иегері атанды
World Boxing: бокстан Қазақстан құрамасы Моңғолия астанасына жетті