Жас шабуылшыға негізгі құрамға бірден ену қиын болады
Қазақстан құрамасының шабуылшысы Дастан Сатпаевтың биыл «Челси» сапында дебют жасауы екіталай, деп хабарлайды Prosports.kz.
Қазір ол жалға алу негізінде «Қайрат» клубында ойнап жүр және толыққанды түрде лондондық командаға тек 18 жасқа толғаннан кейін қосыла алады. Бұл күн — 12 тамыз.
Дереккөз мәліметінше, осы уақытқа дейін жаңа маусымның басталуына аз ғана уақыт қалады, сондықтан оның бірден негізгі құрамда ойнауы қиын көрінеді.
Сатпаев «Қайрат» сапында 46 матчта 20 гол соғып, 8 нәтижелі пас берген. Соған қарамастан, оған жаңа ортаға бейімделу үшін уақыт қажет болуы мүмкін.
Сондай-ақ маусымның алғашқы бөлігінде «Челси» оны бірден негізгі командаға қоспай, жастар құрамында ойнатуы ықтимал.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или