Ат спорты бойынша Қазақстан чемпионаты өтеді
2026 жылғы 27–29 наурызда Астана қаласындағы «Арғымақ» ат спорты-сауықтыру кешенінің негізінде кедергілерден өту (конкур) түрі бойынша ат спортының Қазақстан Республикасының чемпионаты өтеді, деп хабарлайды Prosports.kz.
Республикалық деңгейдегі бұл жарысқа еліміздің үздік шабандоздары мен спорттық аттары қатысып, ұлттық біріншіліктің жүлделері үшін бақ сынайды.
Конкур бойынша Қазақстан чемпионаты дәстүрлі түрде ұлттық ат спортының маңызды жарыстарының бірі саналады. Бұл турнир шабандоз бен аттан құралған үздік спорттық жұптардың шеберлігін көрсетуге, сондай-ақ отандық ат спортының дамуына серпін беретін маңызды алаң болып табылады. Жарыс барысында спортшылар әртүрлі күрделілік деңгейіндегі маршруттарда өнер көрсетеді.
Чемпионат Қазақстан Республикасы Туризм және спорт министрлігінің Спорт және дене шынықтыру істері комитетінің, РМҚК «РУМАЦ», Қазақстан Республикасы Ат спорты федерациясының, сондай-ақ Kazzinc компаниясының демеушілік қолдауымен ұйымдастырылады. Жарыс Халықаралық ат спорты федерациясының (FEI) ережелері мен сапаларына сәйкес өткізіледі.Турнир барысында аттардың әл-ауқаты мен қауіпсіздігін қамтамасыз ету талаптары басты назарда болады.
Қазақстанда паделден халықаралық турнир өтеді
Шок мәлімдеме: Рахмонов балаларынан бас тартты ма?
Қазақстандық спортшылар Азия кубогы кезеңінде үш финалға жолдама алды