Серік Сәпиев даулы жағдайдан кейін жаңа лауазымға ие болды
2012 жылғы Олимпиада чемпионы Серік Сәпиев Қазақстан бокс федерациясы президентінің кеңесшісі болып тағайындалды, деп хабарлайды Prosports.kz.
"Серік Жұманғалиұлы Сәпиев 1983 жылы дүниеге келген. Бокстан Олимпиада ойындарының жеңімпазы. Екі дүркін әлем және Азия чемпионы. ҚР Еңбек сіңірген спорт шебері. Парасат орденінің, Вэл Баркер Кубогінің иегері.
Қазақстан бокс федерациясы Президентінің боксты дамыту жөніндегі кеңесшісі қызметінде Серік Сәпиев бокс құрамаларының нәтижесін жақсарту, спорт түрін дамыту бойынша жүйелі жұмыс пен Олимпиада ойындарындағы жоғары жетістік жолында жұмыс атқарады", — деп жазылған ҚБФ-ның Instagram парақшасында.
Естеріңізге сала кетейік, 3 ақпанда Серік Сәпиев Қарағанды облысының мәдениет және спорт басқармасының басшысы қызметінен босатылды. Оның орынбасары Дәурен Есімханов та қызметінен босатылды.
Ресми мәліметтерге сәйкес, Сәпиев пен Есімханов отставкаға кету туралы өтініш білдірген.
23 қаңтарда Сәпиев пен оның орынбасары Дәурен Есімханов арасында жанжал туындап, нәтижесінде титулдық боксшы дене жарақатын алғаны туралы хабарламалар пайда болды. Шабуылға қатысты қылмыстық іс қозғалды.
Қазақ боксшысы нокаутпен алтынға қол жеткізді