Айдос Ербосынұлы рингке оралуға дайындалып жатыр ма?
Қазақстандық кәсіпқой боксшы Айдос Ербосынұлы (16-1) 2022 жылдың қарашасынан бері шаршы алаңға шыққан жоқ.
Соңғы жекпе-жегінде ол екінші орта салмақтағы WBA нұсқасы бойынша «тұрақты» әлем чемпионы атағы үшін кубалық Дэвид Моррельмен (12-1) кездескен еді. 12 раундқа жоспарланған айқас соңғы рауындта қарсыластың жеңісімен аяқталды.
Бірақ ол жекпе-жектегі ең алаңдатарлық жайт нәтиже емес, салдары болды. Жекпе-жектен кейін Айдос бірден ауруханаға жеткізілді: бірқатар деректерге сүйенсек, оған миына қан құйылу диагнозы қойылып, спортшы жасанды комаға түсіркен. Оған шұғыл ота жасалған.
Ең жақсысы, спортшымыз толықтай сауығып шықты. Бірақ Ербосынұлы мұнымен тоқтап қалмақ емес: қазір ол жаттығу өткізіп, бабына келіп жатыр.
Prosports.kz тілшісі боксшымен хабарласып, оның қазіргі жағдайын біліп, алдағы жоспарын сұрады.
— Айдос, денсаулығыңыз қалай?
— Аллаға шүкір, аман-есенмін, рақмет.
— 2022 жылы Дэвид Моррельмен жекпе-жектен кейін миға қан құйылуына байланысты жасанды комаға түстіңіз. Бірақ кей дереккөзде бұл диагнозды жоққа шығарғаныңыз жазылған. Нақты не болды?
— Оған дейін маған операция жасап үлгерді.
— Сіз ауыр комадан шықтыңыз, жолым болды деп есептейіз бе?
— Алла маған тағы бір мүмкіндік берді. Ол менің тарих жасағанымды қалайды, мен оны орындаймын.
— Әлеуметтік желіде жаттығу сәтіңізден видео жариялап жүрсіз. Бабыңызды жоғалтпау үшін дайындалып жүрсіз бе?
— Жанкүйерлеріме тосынсый дайындап жатырмын.
— Сіз 2024 жылы кәсіпқой боксқа оралуды жоспарлаған едіңіз. Рингке ораласыз ба? Дәрігерлер рингке шығуға рұқсат берді ме?
— Иә, жарақатым оңай болған жоқ. Бірақ 2023 жылдың аяғында АҚШ-та және Түркияда болдым. Ол жақтағы дәрігерлер: «Қаласаң, қазір рингке шыға аласың», — деді. Содан бері екі жыл өтті, қазір психологиялық тұрғыдан толық дайынмын.
— Жақындарыңыз үлкен спортқа қайта оралғаныңызды қолдай ма?
— Олар мені қолдап отыр.
— Бұрын киім дүкенім болған, саудамен айналыстым. Жақында оны жаптым. Қазір жаттығуға оралдым, жақында үлкен жаңалығым болады.