Дияр Нұрғожай UFC-дегі алғашқы жеңісіне қол жеткізді
Қазақстандық файтер Дияр Нұрғожай (10-2) АҚШ-тың Лас-Вегас қаласында өткен UFC 326 турнирінде бақ сынады, деп хабарлайды Prosports.kz.
Нұрғожай бразилиялық дебютант Рафаэль Тобиаспен (14-1) кездесті. Жартылай ауыр салмақтағы жекпе-жек үш раундқа жоспарланған болатын. Шайқас аяғына дейін соызылып, нәтижесінде қазақ спортшысы төрешілер шешімімен сенімді жеңіске жетті.
Осылайша, Дияр Нұрғожай өзінің он бірінші кәсіби жекпе-жегінде жеңіске жетті, ал Рафаэль Тобиас кәсіби MMA-дағы екінші жеңілісіне ұшырады. Бұл Нұрғожайдың UFC-дегі алғашқы жеңісі болды; ол бұған дейін екі рет жеңіліске ұшыраған еді.
Қоса кетейік, Диярға дейін 2026 жылы Қазақстан атынан Николай Веретинников пен Әліби Ыдырыс UFC алаңына шығып, екеуі де қарсыластан басым түскен еді.