«Қызылжар» легионерлері визаның болмауына байланысты Қазақстанға келе алмады
Петропавлдық «Қызылжар» клубының бірнеше шетелдік футболшысы команда орналасқан Қостанай қаласына ұшып келе алмады, деп хабарлайды Prosports.kz сайты ASnews.kz-ке сілтеме жасап.
Бұған себеп – визаның жоқтығы. Клуб басшылығы бұл мәселені алдын-ала қарастырмаған. Түркияда өткен оқу-жаттығу жиындарынан елге қайтуға бір күн қалғанда ғана «Қызылжар» өкілдері Қазақстан елшілігіне жүгінген, алайда теріс жауап алған.
Петропавлдық клуб 2026 жылғы ҚПЛ маусымындағы алғашқы ойынын 8 наурызда «Каспийге» қарсы өткізеді. Қазіргі уақытта клубтың бас менеджері Әлішер Апсалямов бұл мәселені шешуге тырысуда, бірақ легионерлердің алғашқы матчқа дейін Қазақстанға келу-келмеуі әзірге белгісіз.
Шымкент қаласындағы 35 000 орындық жаңа футбол стадионының макеті көрсетілді(видео)