Есеп 6-минутта ашылды: Луис Герра «Қайрат» қорғанысының қателігін пайдаланып, «Тобылды» алға шығарды — 0:1. 20-минутта алматылықтар таразы басын теңестірді. Қостанайлықтардың айып алаңындағы қарбаластан кейін Александр Мрынский допты қақпаның алыс бұрышына дәл бағыттап, есепті 1:1 етті.
26-минутта Неманья Кавнич Жоржиньоны ереже бұзып тоқтатты. Жоржиньо пенальтиді орындай алмады — Сұлтан Бусурманов соққыны қайтарды. Алайда допқа алғаш жеткен Яакко Оксанен «Қайратты» қайта алға шығарды — 2:1.
Екінші таймда қос команда бірқатар ауысу жасады, алаңға Дастан Сатпаев шықты. Матчтың шешуші сәті 89-минутта тіркелді: Асхат Тағыберген айып добынан дәл соққы жасап, есепті 2:2-ге жеткізді. Ойын пенальти сериясына ұласты.
Он бір метрлік соққылар сериясында «Тобыл» ойыншылары дәл орындап, 5:4 есебімен жеңіске жетті.
Осылайша Қазақстан Кубогының иегері ел Суперкубогын тарихында төртінші рет жеңіп алды.
«Қайрат» — «Тобыл» 2:2 (2:1), пенальти 4:5
Голдар: Герра, 6 (0:1); Мрынский, 20 (1:1); Оксанен, 26 (2:1); Тағыберген, 89 (2:2).
Пенальти сериясы: Рикардиньо — 0:0 (қақпашы қайтарды), Жумашев — 0:1, Оксанен — 1:1, Асранкулов — 1:2, Касабулат — 2:2, Тағыберген — 2:3, Байбек — 3:3, Ндиайе — 3:4, Сатпаев — 4:4, Жумат — 4:5.
Орындалмаған пенальти: Жоржиньо, 26 (қақпашы).