Темірлан Анарбековке Еуропа қызығушылық танытып отыр
Қазақстан құрамасының қақпашысы Темірлан Анарбеков және «Қайрат» клубының ойыншысы бірнеше Еуропа клубтарының назарын аударды, деп хабарлайды Prosports.kz. Бұл туралы клубтың бақылау кеңесінің төрағасы Кайрат Боранбаев мәлім етті.
Боранбаевтың айтуынша, ресми ұсыныстар әлі түспегенімен, Англия, Греция және Ресей чемпионаттарының кейбір клубтары қақпашыға қызығушылық танытып отыр.
«Анарбеков Лига Чемпиондарында жарқырап, үздік 10 ойыншы қатарына енді. Бұл оның деңгейін көрсетеді» деді ол ArchiBall Youtube-каналына берген сұхбатында.
Айта кетелік, 2025/26 маусымында Анарбеков «Қайратқа» Лига Чемпиондарының негізгі кезеңіне шығуға көмектесті және 6 матч өткізді. Қазіргі кезде қақпашының нарықтағы құны Transfermarkt порталында 400 мың евро болып көрсетілген.