Жартылай қорғаушы КПЛ-ге оралады
Қазақстандық жартылай қорғаушы Арсен Буранчиев павлодарлық «Ертіспен» келісімшартқа қол қояды, деп хабарлайды Prosports.kz журналист Эльдар Аманбаевқа сілтеме жасап.
24 жастағы футболшы алматылық «Қайраттың» түлегі. Жақын уақытта ол КПЛ-ге жаңадан қосылған павлодарлық клубтың құрамын ресми түрде толықтыруы тиіс. Бұған дейін Буранчиев ақтаулық «Каспиймен» оқу-жаттығу жиындарынан өткен, алайда маусым алдындағы келісімшарт жасалмаған. Өткен маусымды ол петропавлдық «Қызылжар» сапында өткізді.
«Қайрат» құрамында Буранчиев екі рет ел чемпионы атанып, Қазақстан Кубогын жеңіп алған. Өткен КПЛ маусымында «Қызылжар» сапында 21 матчқа қатысып, нәтижелі әрекеттерімен көзге түспеді. Қазақстан U-21 құрамасында 2021 жылы дебют жасап, сегіз ойын өткізген. Transfermarkt порталы футболшының нарықтық құнын 175 мың еуро деп бағалайды.
Өткен маусым қорытындысы бойынша «Ертіс» Бірінші лигада екінші орын алып, жоғары дивизионға жолдама алған еді. Павлодарлық бес дүркін ел чемпионы алдағы маусымды КПЛ-де бастайды.