Микель Артета «Тоттенхэмді» жеңгеннен кейін бапкерлік рекорд орнатты
22 ақпанда ағылшын футболындағы ең маңызды матчтардың бірі өтті — Премьер-лиганың 27-турында «Тоттенхэм» өз алаңында «Арсеналды» қабылдады, деп хабарлайды Prosports.kz сайты Sports24.kz-ке сілтеме жасап.
«Канонирлер» басты қарсыласын 4:1 есебімен ойсырата жеңіп, Виктор Дьекереш пен Эберечи Эзенің дубльдерінің арқасында айқын басымдық көрсетті.
Айта кету керек, «Арсеналдың» бас бапкері Микель Артета қазір Премьер-лигада 20-дан астам Лондон дербиін өткізген барлық бапкерлердің ішінде ең жоғары жеңіс пайызын иеленіп отыр:
• 61% – Микель Артета (69 ойынның 42-сінде жеңіске жетті)• 60% – Жозе Моуринью (70 ойынның 42-сінде жеңіске жетті)• 55% – Арсен Венгер (194 ойынның 106-сында жеңіске жетті).
«Арсенал» қазір «Манчестер Ситиден» бес ұпайға алда, алайда Артета командасы бір ойын артық өткізген.
Қазақстандық қақпашы Әзірбайжан чемпионатында сәтті матч өткізді
АПЛ: «Арсенал» сырт алаңда «Тоттенхэмді» жеңді
Ла Лига: «Реал Мадридтің» қонақтағы матчында сенсация тіркелді