Мбаппенің қалауы Мадридте үлкен өзгеріске әкелуі ықтимал
Килиан Мбаппе мадридтік "Реалдың" шабуыл шебіндегі болашақ құрамына әсер етуі мүмкін, деп хабарлайды Prosports.kz.
Испаниялық деректерге сүйенсек, клуб басшылығы жазда бір ірі трансфер жасау нұсқасын қарастырып отыр. Мүмкін сатылымға үміткерлер қатарында Родриго Гоэс пен Винисиус Жуниордың есімдері аталады. Бұл өзгерістер команда шабуылын жаңартуға бағытталуы ықтимал.
Сондай-ақ Мбаппе "Реалда" Франция құрамасындағы серіктесі, мюнхендік "Баварияда" ойнайтын Майкл Олисенің келгенін қалайтыны айтылып жатыр. Француз шабуылшысы команданың болашағына тікелей араласуға дайын екені, қажет болса алғы шепті толық қайта құруға қарсы еместігі хабарланды.
Дегенмен мұндай сценарийді жүзеге асыру оңай емес. Винисиус клубтың негізгі ойыншыларының бірі саналады, ал Родриго да командада маңызды рөл атқарып жүр. Сондықтан олардың бір мезетте сатылуы үлкен резонанс тудыратын шешім болмақ. Қазір "Реал" трансфер нарығын мұқият бақылап отыр, бірақ нақты шешім әлі қабылданған жоқ.
УЕФА «Бенфика» — «Реал» матчындағы оқиғаларды тергей бастады
Қазақстандық футболшылар ойнайтын РПЛ клубы қарсыласпен тең түсті