Қазақстандық теннисші Үндістандағы турнирдің іріктеу сайысын сәтті аяқтады
Қазақстандық теннисші, әлемнің 350-ракеткасы Денис Евсеев Нью-Дели (Үндістан) челленджер турнирінің іріктеу сайысын сәтті аяқтады, деп хабарлайды Prosports.kz.
Қазақстандық теннисші алдымен тартысты матчта малайзиялық Мицуки Вэй Канг Леонгты тізе бүктірді – 6:4, 6:7 (3:7), 6:4.
Денис Евсеев іріктеу сайыстарының финалында рейтингіде 682-орындағы болгариялық Александр Донскидан басым түсті – 4:6, 6:4, 6:1.
Осылайша, Д.Евсеев негізгі додаға жолдама алды. Бүгін жаңартылған рейтингіде ол 362-ден 350-орынға көтерілді.
Тағы бір қазақстандық Григорий Ломакин іріктеудің жартылай финалында ресейлік Егор Агафоновтан айласын асырды – 6:3, 2:6, 7:6 (9:7). Алайда бүгін Польша өкілі Макс Касиновскиге 1:6, 2:6 есебімен жол беріп, негізгі кезеңнен тыс қалды.
Әлемнің 292-ракеткасы Бейбіт Жұқаев бірден негізгі турнирде бақ сынайды. Оның алғашқы айналымдағы қарсыласы – жарыстың 1-ракеткасы, рейтингіде 134-орындағы аустралиялық Дейн Суини.
Қазақстандық теннисші әлемдік рейтингте тарихи жетістік тіркеді
Қазақстандық теннисші ATP рейтингінде бес орын жоғары көтерілді