УЕФА Ұлттар лигасы: Қазақстанның басты қарсыласы анықталды
Қазақстан құрамасының УЕФА Ұлттар лигасы 2026/27 маусымындағы басты қарсыласы белгілі болды, деп хабарлайды Prosports.kz.
Қазақстандық футбол маманы Асқар Қожабергенов С лигасының 3-тобындағы командаларды саралап, ең қиын қарсылас ретінде Словакияны атады.
«Бір қарағанда, бұл топ Қазақстан құрамасына қарсылас емес секілді. Дегенмен, мен бұл жерде Словакияны ерекше атап өтер едім. Соңғы жылдары олар Ұлттар лигасында тұрақты нәтиже көрсете алмай жүр. Бірақ соңғы Еуропа чемпионатында финалдық кезеңге шығып, сенсациялық ойын өрнегін салды. Топтан шығып, Бельгиямен тең ойнады, ал плей-оффта Англияға тартысты кездесуде ғана жол берді. Құраманың көшбасшыларының барлығы Еуропаның мықты чемпионаттарында ойнайды. Меніңше, Қазақстан үшін ең қиын қарсылас дәл осы Словакия» деді Қожабергенов.
Айта кетелік, топтық кезең матчтары 2026 жылдың қыркүйек айының соңында басталады. Алғашқы тур ойындары 24–26 қыркүйек күндеріне жоспарланған.