Мадрид клубы жазда кемінде бір ойыншы алуды көздейді
Испанияның Mundo Deportivo басылымы мадридтік «Реалдың» орталық жартылай қорғаушы позициясына арналған ықтимал трансферлік тізімін жариялады, деп хабарлайды Prosports.kz.
«Корольдік клубтың» басты нысанасы — «ПСЖ» және Португалия құрамасының ойыншысы Витинья. Мадридтіктер оны осы позициядағы негізгі кандидат ретінде қарастырып отыр.
Сондай-ақ тізімде «Манчестер Сити» сапындағы Родри, «Челсидің» жартылай қорғаушысы Энцо Фернандес және «Ливерпуль» футболшысы Алексис Мак Аллистер бар. Қосымша нұсқалар қатарында «Кристал Пэлас» ойыншысы Адам Уортон мен «АЗ Алкмардың» жас таланты Кес Смит аталады.
Ақпаратқа сәйкес, «Реал» алдағы жазғы трансферлік кезеңде аталған футболшылардың кемінде бірін сатып алуды жоспарлап отыр. Сонымен бірге мадридтік клубтың қазіргі құрамындағы бірқатар жартылай қорғаушылар командадан кетуі мүмкін.