Қазақстандық шабуылшының румыниялық клубтағы алғашқы матчы қашан өтуі мүмкін
Fanatik сайтының мәліметінше, Қазақстан құрамасының шабуылшысы Абат Айымбетов жұмыс визасына байланысты румыниялық «Петролул» командасында кем дегенде екі аптадан кейін дебют жасай алмайды, деп хабарлайды Prosports.kz.
«Румыния чемпионатындағы алғашқы қазақстандық ойыншы ауысқаннан кейін бірден ойнай алмайды. Жаңа командасына бейімделумен қатар, оған жұмыс визасын да алу қажет болады. Ол ЕО-ға кірмейтін елден келген ойыншы болғандықтан, құжаттарды рәсімдеу кем дегенде екі аптаға созылады.
Айымбетовтің «Петролул» сапындағы дебюті плей-офф кезеңінде тіркелуі мүмкін. Оған дейін бас бапкер Ойген Неагое өзінің қазіргі шабуылшылары Гику Грозава мен Чика Розаға сенім артуға мәжбүр болады.
«Петролул» қазіргі уақытта лигадағы ең аз гол соққан команда, 26 ойында небәрі 19 гол соқты», - деп жазады веб-сайт.