Ақжол Дәрібай «Семейден» кетті
Қазақстан құрамасының шабуылшысы Ақжол Дәрібай Қарағандының «Тұлпар» командасымен жалға беру туралы келісімге қол қойды, деп хабарлайды Prosports.kz семейлік клубтың баспасөз қызметіне сілтеме жасап.
«Ресми: Ақжол Дәрібай «Тұлпарға» жалға беріледі.
«Семей» футзал клубы 26-жасар Ақжол Дәрібайдың маусым соңына дейін қарағандылық «Тұлпар» клубына жалға берілетінін хабарлайды.
Ақжолға жаңа клубында сәттілік тілей отырып, Семейге бұрынғыдан да мықтырақ болып оралуын күтеміз!», - деп жазды команда Instagram парақшасында.
Дәрібай кәсіби мансабын «Тұлпар» командасында бастады. Ол «Жетісу» және «Астана» командаларында ойнап, ұлттық құрамаға шақырту алды. «Семей» командасымен 2023/2024 маусымында Қазақстан чемпионатында жеңіске жетті.
Ұлттық құрама сапында 2022 жылдың қазан айында Словенияға қарсы ойында дебют жасады. Сондай-ақ, 2024 жылы Өзбекстанда өткен әлем чемпионатында Қазақстан құрамасында ойнап, гол соқты.
Қазақстан U-19 құрамасы Түркістанда оқу-жаттығу жиынын өткізіп жатыр