Қазақстандық конькимен жүгірушілер 1000 метр қашықтықта өнер көрсетті
Италияда өтіп жатқан 2026 жылғы Олимпиада ойындарында конькимен жүгіру жарыстары жалғасып жатыр, деп хабарлайды Prosports.kz сайты ҰОК-қа сілтеме жасап.
9 ақпанда әйелдер арасында 1000 метр қашықтықта медальдар сарапқа салынды. Бұл сайысқа Қазақстан атынан үш спортшы қатысты.
Отандастарымыздың ішінде ең үздік нәтиже көрсеткен - Надежда Морозова. Ол 1:16.00 уақыт көрсеткішімен мәреге жетіп, жалпы есепте 14-орынға тұрақтады.
Елизавета Голубева 1:16.40 уақытта мәреге жетіп, 19-орынға ие болды. Ал Кристина Силаева 1:17.57 уақыт көрсеткішімен 28-орыннан көрінді.
Нидерланд спортшысы Ютта Лердам Олимпиада рекордын жаңартып, алтын медаль жеңіп алды - 1:12.31. Күміс жүлде Фемке Кокқа (Нидерланд) бұйырды - 1:12.59. Қола медальді жапониялық Михо Такаги иеленді - 1:13.95.
Олимпиада-2026: Қазақстандықтар алғашқы жарыс күнін сәтсіз бастады
Олимпиада-2026: қазақстандық шаңғышылар скиатлонда қалай өнер көрсетті