Қазақстанда паралимпиялық спорт қалай дамып келеді: Астанада өткен оқыту семинарында не талқыланды
Астанада Қазақстан Республикасының Ұлттық паралимпиялық комитеті ұйымдастырған «Паралимпиялық спорттың негіздері, маркетинг және демеушілік» тақырыбындағы оқыту семинары өтті. Іс-шара паралимпиялық спортты дамыту, спортшыларды қолдау және инклюзивті тәжірибелерді кеңейтуге арналған пікір алмасу алаңына айналды.
ҰПК РК-ның ресми серіктесі - Astana Motors құрамына кіретін Chery Kazakhstan. Бренд 2025 жылдан бері комитеттің демеушісі болып келеді және 2026 жылы да паралимпиялық қозғалысты қолдауды жалғастырып, инклюзивті қоғам қалыптастыруға бағытталған әлеуметтік жобаларды жүйелі түрде іске асыруда.
Семинардың басты мақсаты - ерекше дене мүмкіндіктері бар адамдар арасында паралимпиялық спортты дамытуға ықпал ету, олардың әлеуметтік бейімделуі мен қоғамның белсенді өміріне интеграциялануын қолдау. Іс-шара барысында спортты насихаттау, серіктестік тетіктері, маркетинг құралдары және спортшыларды қолдаудың тұрақты модельдері талқыланды.
Формат теориялық баяндамалармен шектелмей, ашық диалогқа құрылды. Қатысушылар сұрақтар қойып, тәжірибелерімен бөлісіп, практикалық кейстерді бірге талқылады.
Семинар аясында Ұлттық паралимпиялық комитеттің Бас хатшысы Олжас Ақпамбетов Chery мен ҰПК РК арасындағы 2025 жылғы ынтымақтастықтың қорытындыларын атап өтті. Оның айтуынша, серіктестік аясында спортшыларды қолдауға және паралимпиялық қозғалысты дамытуға бағытталған бірқатар бастамалар табысты жүзеге асырылды.
Сондай-ақ 2026 жылға арналған әлеуетті бренд-амбассадорлар таныстырылды. Олардың қатарында Али Турғанбеков, Әделя Қалиева, Вазир Надыров, Ақмарал Науатбек, Ерғали Шамей, Дастан Мұқашбеков, Ербол Хамитов, Александр Герлиц және Никита Ермаков бар.
Семинар өткен күні Паралимпиялық жаттығу орталығының алдында Алматыдағы Astana Motors Manufacturing Kazakhstan зауытында өндірілген жаңа Chery C8 автокөліктері қойылды. Кроссовер іс-шараның визуалды акцентіне айналып, брендтің технологиялылық, сенімділік және қолжетімділік құндылықтарын көрсетті.
Chery Kazakhstan өкілдері паралимпиялық спортты қолдау компанияның Қазақстандағы ұзақмерзімді стратегиясының маңызды бөлігі екенін атап өтті.
