Астанада өтетін халықаралық турнирдің кестесі жарияланды
Халықаралық футбол федерациясы (FIFA) Қазақстан құрамасының жаңа халықаралық турнирі – FIFA Series 2026 қатысушыларын бекітті, деп хабарлайды Prosports.kz.
Қазақстан құрамасының қарсыластары – Намибия, Комор аралдары және Кувейт командалары. Матчтар Астанадағы «Астана Арена» стадионында өтеді. Турнир «төрт командалы финал» форматы бойынша ұйымдастырылады.
Матчтар кестесі:
- 25 наурыз 2026
15:00 – Қазақстан – Комор аралдары
20:00 – Кувейт – Намибия - 28 наурыз 2026
15:00 – бірінші күннің жеңілмеген командалары
20:00 – бірінші күннің жеңімпаз командалары (турнир жеңімпазын анықтайтын матч).
Қазақстан FIFA Series 2026 турнирінің ерлер құрамаларының матчтарын өткізуге сенім білдірілген алғашқы елдердің бірі болды. Сондай-ақ, Австралия, Әзірбайжан, Индонезия, Маврикий, Пуэрто-Рико, Руанда және Өзбекстан да турнирді қабылдаушы елдер қатарында. Әйелдер құрамаларының матчтары Бразилия, Кот-д’Ивуар және Тайландта өтеді.
FIFA Series форматы бойынша әр топқа әртүрлі конфедерациядан төрт команда кіреді. Әр команда екі достық матч өткізеді, бұл ұлттық құрамалардың кестесін ауырлатпай сапалы халықаралық тәжірибе жинауға мүмкіндік береді.
Қазақстан U-17 құрамасы Минскте өтетін Даму кубогына қатысады
«Каспий» жолдастық кездесу де молдовалық команданы жеңді
«Тұран» шабуылшысы көрші елдің чемпионатына ауысады