Тоқаев Елена Рыбакинаны Australian Open жеңісімен құттықтады
Қазақстан Президенті Қасым-Жомарт Тоқаев Australian Open турнирінде жеңіске жеткен қазақстандық теннисші Елена Рыбакинаны құттықтады, деп хабарлайды Prosports.kz.
Мемлекет басшысы спортшыны кезекті үлкен жетістігімен шын жүректен құттықтап, оның жоғары деңгейдегі техникасы мен жеңіске деген жігерін ерекше атап өтті. Президенттің айтуынша, Рыбакина бүкіл әлемдік теннис қауымдастығын тәнті еткен нәтиже көрсетті.
Australian Open–2026 турнирінің финалында Елена Рыбакина Беларусь өкілі Арина Соболенканы жеңді. Кездесу 2 сағат 18 минутқа созылып, үш сет қорытындысы бойынша 6:4, 4:6, 6:4 есебімен аяқталды. Арина Соболенко бес эйс жасап, екі қос қате жіберіп, сегіз брейк-пойнттың екеуін ғана пайдаланды. Ал Рыбакина бес эйс орындап, үш қос қателікке жол беріп, алты мүмкіндіктің үшеуін брейк-пойнтқа айналдырды.
Елена Рыбакина — бұрын әлемнің үшінші ракеткасы болған теннисші. Ол қазірге дейін екі «Үлкен дулыға» турнирін жеңіп алған, соның ішінде Уимблдон–2022 және Australian Open–2026 бар. Сондай-ақ ол бір мәрте «Үлкен дулыға» турнирінің финалына шыққан, WTA Қорытынды турнирінің жеңімпазы атанған және WTA санатындағы 11 турнирде топ жарған.