«Ақтөбе» қорғаныс шебін күшейтуді көздеп отыр
Мароккалық қорғаушы Бадр Гаддарин «Ақтөбе» командасына қосылады, деп хабарлайды Prosports.kz.
«Ол мароккалық «Танжер» клубында ойнайды. Гаддарин бірнеше позицияда ойнай алады: сол жақ қорғаушы, сол жақ орталық қорғаушы және сол жақ қаптал ойыншысы. Оның мықты тұсы - сол аяғы. Техникасы жоғары деңгейде. Марокколық ойыншы «Ақтөбе» командасына екінші оқу-жаттығу жиынына қосылады», - деп хабарлайды «Серый CARDINAL» Telegram арнасы.
Еске сала кетейік, «Ақтөбе» ақпан айының басында Түркияның Анталия қаласында екінші оқу-жаттығу жиынының басталғанын жариялады. Өткен маусымда Николай Костовтың командасы Қазақстан Премьер-лигасының турнир кестесінде бесінші орын алды.
Transfermarkt порталы 28 жастағы футболшыны 450 мың долларға бағалап отыр.
Қазақстандық футболшы Испания чемпионатында гол соқты