Франциялық жартылай қорғаушы әлі бабына келе алмады
«Монако» клубы Поль Погбамен ынтымақтастықты келісімшарт мерзімі аяқталмай жатып тоқтатуы ықтимал, деп хабарлайды Prosports.kz. Франциялық жартылай қорғаушы алаңға оралғанымен, әлі күнге дейін қажетті ойын формасын жинай алған жоқ.
Монегасктер әлем чемпионын өткен жазда қатарға қосты. Клуб басшылығы Погбаның ұзақ дисквалификациядан кейін қалпына келуіне уақыт қажет болатынын алдын ала түсінген. Алайда бейімделу процесі созылып кетті, осы уақыт ішінде футболшы алаңда небәрі шамамен 30 минут қана ойнады.
Gazzetta dello Sport мәліметінше, «Монако» басшылығы жартылай қорғаушымен келісімшартты мерзімінен бұрын бұзу мүмкіндігін талқылай бастаған. Қолданыстағы келісім 2027 жылдың жазына дейін есептелгенімен, тараптардың жолы одан ертерек айрылысуы мүмкін.
Наурыз айында Поль Погба 33 жасқа толады. Қазіргі таңда ол жаттығу кезінде алған кезекті жарақатынан кейін қайтадан қалпына келу кезеңінен өтіп жатыр.
Марселонының ұлы «Реалмен» алғашқы кәсіби келісімшартын жасады
Бразилия клубтар арасындағы әлем чемпионатын өткізгісі келеді